සියලු ම අමාත්‍යාංශවල ක්‍රියාත්මක කිරීමට නියමිත මෙම වැඩසටහන රටේ සංවර්ධනය හා ජනතා සේවය සඳහා සිය ශ්‍රමය හා කාලය කැප කරමින් උත්තරීතර සේවාවක් ඉටුකරනු ලබන රාජ්‍ය නිලධාරින් වෙනුවෙන් ම ආරම්භ කර ඇති අතර, එය ජනාධිපති කාර්යාලයේ ජාතික පෝෂණ ලේකම් කාර්යාලය හරහා ක්‍රියාත්මක වේ.
ඒ අනුව ළමා සංවර්ධන හා කාන්තා කටයුතු අමාත්‍යාංශ‍යට අයත් සියලු ම කාර්ය මණ්ඩල සාමාජික සාමාජිකාවන් සඳහා සෞඛ්‍ය වෛද්‍ය සායන පැවැත්වීම, වෛද්‍ය උපදෙස් ලබා දීම සහ යහපත් හා යෝග්‍ය සෞඛ්‍ය පුරුදු ඇති කිරීම සඳහා ඔවුන්ගේ දැනුම කුසලතා වර්ධනය කිරීම හා හුවමාරු කරගැනීම අරමුණු කරගත් මෙම වැඩසටහන අගෝස්තු මස 21 දවස පුරා, සෙත්සිරිපාය, දෙවන අදියර, පස්වන මහලේ අමාත්‍යාංශයීය ලේකම් කාර්යාල පරිශ්‍රයේ දී සිදු කෙරේ.
ඒ පිළිබඳව විශේෂ සාකච්ජාවක් ළමා සංවර්ධන හා කාන්තා කටයුතු අමාත්‍යාංශයේ අතිරේක ලේකම් (සංවර්ධන) අශෝකා අලවත්ත සහ අතිරේක ලේකම් (පාලන) සුසීමා වි‍ජේසේකර යන මහත්මීන්ගේ ප්‍රධානත්වයෙන් පසුගියදා පැවැත්විණි.
ඒ අනුව මෙම “උත්තම ශ්‍රම පූජා” වැඩසටහන සැලසුම් කිරීම, සංවිධානය කිරීම, ක්‍රියාත්මක කිරීම හා අඛණ්ඩ පසුවිපරම් ක්‍රමවේදයන් තුළින් එය යාවත්කාලීන කරමින් පවත්වාගෙන යාම පිළිබඳව එහිදී සාකච්ජා කෙරිණි. මෙම අවස්ථාවට ළමා සංවර්ධන හා කාන්තා කටයුතු අමාත්‍යවරයාගේ පුද්ගලික ලේකම් කේ.ඒ.ටී.බී. ජයවර්ධන, සැලසුම් අධ්‍යක්ෂ ජේ.පී.එස්. ජයසිංහ යන මහත්වරුන් ඇතුළු කාර්ය මණ්ඩල නියෝජිතවරු පිරිසක් ද පැමිණ සිටියහ.
ECB
