යුද්ධයේදී ආබාධිත තත්ත්වයට පත්වී වෛද්‍ය වර්ග කිරීම් මත නිවෙස්ගත වී සිටින රණ විරුවෙකු වන කොබෙයිගනේ ප්‍රදේශයේ පදිංචි සැරයන් ආර්.ඒ. රාජපක්ෂ රණ විරුවා වෙත ඔහුගේ අඩක් නිම කරන ලද නිවසෙහි වැඩ කටයුතු සම්පූර්ණ කර ගැනීම සඳහා ඊයේ (06) මුල්‍යමය පරිත්‍යාගයක් සිදු කරන ලදී.
ආරක්ෂක හා නාගරික සංවර්ධන අමාත්‍යාංශයේ සේවා වනිතා ඒකකයේ සභාපතිනී අයෝමා රාජපක්ෂ මහත්මිය විසින් ආරක්ෂක හා නාගරික සංවර්ධන අමාත්‍යාංශ පරිශ්‍රයේදී සිදු කරන ලද මෙම මුල්‍ය පරිත්‍යාගය සඳහා අමාත්‍යාංශයේ සේවා වනිතා ඒකකයේ උප සභාපතිනී ඉන්දු රත්නායක මහත්මිය ද සහභාගී වූවාය.
NDH/mod
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
