ලෝක වෙළෙඳපොළ තුළ රබර් මිල පහත වැටීම ශ්‍රී ලංකාවේද රබර් මිල යම් තරමකට පහත වැටීමට මේ දිනවල හේතු වී ඇති බව රබර් සංවර්ධන දෙපාර්තමේන්තුවේ සැලසුම් අධ්‍යක්ෂ එම්.ඩී.ආර්. වීරසිංහ මහතා රජයේ නිල පුවත් වෙබ් අඩවියට පැවසීය.
රට තුළ දේශීය රබර් මිල ගණන් මේ වන විට රුපියල් 269.00 -244.00 වැනි සාමාන්‍ය මිල මට්ටමක පවතී. මෙය සාමාන්‍ය තත්ත්වයක් වන අතර, එය දිගු කාලීන රබර් මිල ගණන් පහළ යාමකට කිසිසේත් ම තුඩු දෙන කරුණක් නොවනු ඇති බව සැලසුම් අධ්‍යක්ෂවරයා පැවසීය.
විශේෂයෙන් මේ වන විට තායිලන්තය වැනි රටවල් තම ගබඩාගත රබර් තොග වෙළෙඳපොළට මුදා හැරීමත් සමඟ වෙළෙඳපොළ රබර් මිල ගණන් පහත වැටීමක් සිදුව ඇති බව පෙන්වා දුන් සැලසුම් අධ්‍යක්ෂවරයා තවදුරටත් පැවසුවේ, රබර් මිල සඳහා ද සහතික මිලක් නියම කිරීම කෙරෙහි ද රජයේ අවධානය යොමුව ඇති බවයි.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
