නියඟය, නායයෑම්, දැඩි සුළඟ හා දැඩි වර්ෂාව නිසා මේ වනවිට දිවයිනේ පවුල් 323483ක පුද්ගලයින් 1151030ක් ආපදාවට පත් ව සිටිති. නිවාස 3ක් සම්පූර්ණයෙන් ද නිවාස 63ක් අර්ධ වශයෙන් ද හානියට පත් ව ඇත.
ඌව පළාතේ මොනරාගල දිස්ත්‍රික්කයේ පවුල් 32039ක පුද්ගලයින් 128193ක් ද උතුරු මැද පළාතේ පොලොන්නරුව දිස්ත්‍රික්කයේ පවුල් 45274ක පුද්ගලයින් 147439 දෙනෙකු ද ආපදාවට පත් ව සිටී.
නැගෙනහිර පළාතේ අම්පාර දිස්ත්‍රික්කයේ පවුල් 10180ක පුද්ගලයින් 31278ක් ද මඩකළපුව දිස්ත්‍රික්කයේ පවුල් 32733ක පුද්ගලයින් 117540 දෙනෙකු ද ත්‍රිකුණාමලය දිස්ත්‍රික්කයේ පවුල් 20388ක පුද්ගලයින් 90264 දෙනෙකු ද ආපදාවට පත් ව සිටී.
වයඹ පළාතේ කුරුණෑගල දිස්ත්‍රික්කයේ පවුල් 139664ක පුද්ගලයින් 473125 දෙනෙකු ද දකුණු පළාතේ හම්බන්තොට දිස්ත්‍රික්කයේ පවුල් 26584ක පුද්ගලයින් 106420 දෙනෙකු ද ආපදාවට පත් ව සිටී.
උතුරු පළාතේ මුලතිව් දිස්ත්‍රික්කයේ පවුල් 16576ක පුද්ගලයින් 56469 දෙනෙකු ද ආපදාවට පත් ව සිටී.
මීට අමතරව දැඩි සුළං නිසා බස්නාහිර පළාතේ ගම්පහ දිස්ත්‍රික්කයේ මීරිගම පවුල් 53ක 245 දෙනෙකු ද කළුතර දිස්ත්‍රික්කයේ හොරණ පවුල් 5ක පුද්ගලයින් 21 දෙනෙකු ද විපතට පත් ව සිටී.
නායයෑම් නිසා නුවරඑළියේ පවුල් 5ක පුද්ගලයින් 27 දෙනෙකු ද දැඩි සුළඟ හා දැඩි වර්ෂාව නිසා කෑගල්ල දිස්ත්‍රික්කයේ දැරණියගල පුද්ගලයින් 5 දෙනෙකු ද කෑගල්ලේ පුද්ගලයින් 4 දෙනෙකු ද විපතට පත් ව ඇත.
HC
