මේ සඳහා වන අවබෝධතා ගිවිසුමට අත්සන් කිරීම මහජන බැංකුව වෙනුවෙන් එහි සාමාන්‍යාධිකාරී/ ප්‍රධාන විධායක නිලධාරී එන්. වසන්ත කුමාර් මහතා සහ කැලණිය විශ්වවිද්‍යාලය වෙනුවෙන් එහි උප කුලපති මහාචාර්ය සුනන්ද මද්දුම බණ්ඩාර මහතා අතර පසුගියදා කැලණිය විශ්වවිද්‍යාල උප කුලපති කාර්යාලයේදී සිදු කෙරිණ.
කැලණිය විශ්වවිද්‍යාලයේ බාහිර හා පශ්චාත් උපාධි අපේක්ෂකයින්ට සහන පොලී අනුපාතිකයක් මත පාඨමාලා ගාස්තු ගෙවීම් ඉඩ ප්‍රස්ථා සලසාදීමේ අරමුණින් මෙම ණය යෝජනා ක්‍රමය හඳුන්වා දී ඇත. උපරිම රුපියල් 500,000 දක්වා ණය මුදල් ලබාගත හැකි අතර, රාජ්‍ය හෝ පෞද්ගලික ආයතනයන්හි සේවය කරන ඇපකරුවන් දෙදෙනෙකු මත හෝ නිශ්චල දේපොළ උකස මත ණය මුදල් ප්‍රදානය කරනු ලබයි. වසරක සහන කාලයක් ඇතුළුව ණය ආපසු ගෙවීමේ උපරිම කාලය වසර 07කි.
ECB
