2004දී ඇති වූ සුනාමි ව්‍යසනයත් සමඟ මිනිස් ජීවිත හා දේපොළ විශාල ප‍්‍රමාණයක් විනාශයට පත්වුණි. මේ නිසාම මෙවැනි අපදාවන් පිළිබඳව මුළු ලෝකයේම කථිකාවක් හට ගැණුනි. එම නිසා සුනාමි වැනි ආපදාවන් කලින් හඳුනාගැනීම සඳහාත් ඒ පිළිබඳව ජනතාව දැනුවත් කරලීම සඳහාත් පියවර ගැනීමට ලෝකයේ බොහෝ රටවල් ඉදිරිපත් විය. එම නිසාම සුනාමි ආපදාවන් කලින් දැනගැනීමට මුහුදු රළ උච්ඡාවචනය මනින සන්නිවේදක උපකරණ හෙවත් ART-Deep Ocean Assessment and Reporting of Tsunami උපකරණ මුහුදු පත්ලේ මීටර් 6000ක් පමණ ගැඹුරින් සවිකිරීමට පියවර ගෙන ඇත.

මේ මඟින් මුහුදු පතුලේ ඇතිවන ඉතා සියුම් වෙනස්කමක් වුවද දැනගැනීමට හැකිවේ. මේ අනුව සුනාමි අනතුරු පූර්ව ඇඟවීමේ මධ්‍යස්ථානයක් මට්ටක්කුලියේ නාරා ආයතනයේ ස්ථාපිත කොට තිබේ. මේ මඟින් දවසේ පැය 24 පුරාම ලොව සෑම තැනකම සිදුවන භූකම්පන හා සුනාමි අනතුරු, කාලගුණික විපර්යාස පිළිබඳව නිරීක්‍ෂණය කරමින් අදාළ තොරතුරු හා දත්ත අදාළ අංශවලට ක්‍ෂණයෙන් නාරා ආයතනය ලබාදෙයි.