රාජාංගනය යෝජිත පානීය ජල ව්‍යාපෘතිය තාවකලිකව අත් හිටුවීමට තීරණය කළ බවත් පානීය ජලය කිසිදු විදෙස් සමාගමකට ලබාදීමේ තීරණයක් ගෙන නැතැයි ද එම ප්‍රචාර සම්පූර්ණයෙන් අසත්‍යක් බවද අනුරාධපුර දිස්ත්‍රික් ලේකම් ආර්.එම්.වන්නිනායක මහතා රජයේ නිලපුවත් වෙබ් අඩවියට ප්‍රකාශ කළේ ය.
රජයේ පානීය ජල ව්‍යාපෘතියක් ලෙස වසර 2011 දී අමාත්‍ය මණ්ඩල අනුමැතිය ලත් ජල ව්‍යාපෘතියක් බවත් මෙම ව්‍යාපෘතිය පානීය ජලය බෝතල් කරන හෝ විදෙස් සමාගමකට ජලය ලබාදෙන ව්‍යාපෘතියක් නොවන බවත්
දිස්ත්‍රික් ලේකම්වරයා අවධාරණය කළේ ය.
ප්‍රදේශයේ පවතින පානීය ජල හිඟයට පිළියමක් ලෙස මෙම මෙම ව්‍යාපෘතිය ක්‍රියාත්මක කිරීමට යෝජනා වී තිබුණි. ඒ අනුව රාජාංගනය, නොච්චියාගම මෙන් ම ප්‍රධාන වශයෙන් තඹුත්තේගම නගරයට පානීය ජලය ලබාදීම
මෙහි අරමුණක් වූ බව ද දිස්ත්‍රික් ලේකම් ආර්.එම්.වන්නිනායක මහතා ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
