ඇල්පිටිය ප්‍රාදේශීය සභාවේ සභිකයින් 17 දෙනා හැර මෙවර පළාත් පාලන ඡන්ද විමසීම අනුව පළාත් පාලන ආයතන සඳහා සභිකයින් 5075ක් තේරී පත් වන බව මැතිවරණ කොමිෂන් සභාවේ සභාපති මහින්ද දේශප්‍රිය මහතා පැවසීය.
මෙම මැතිවරණයෙන් සෑම කොට්ඨාසයකින්ම 5%කට අඩු ඡන්ද ප්‍ර‍තිශතයක් ලබාගත් සියලු දෙනාගේම ඇප මුදල් රාජසන්තක වන බව මැතිවරණ කොමිෂන් සභා කාර්යාලයේ ඊයේ (22) පැවති මාධ්‍ය හමුවේදී මාධ්‍යවේදියෙකු ඇසූ ප්‍ර‍ශ්නයකට පිළිතුරු දෙමින් සභාපතිවරයා සඳහන් කළේය.
ඇල්පිටිය ප්‍රාදේශය සභාවට උසාවියේ තහනම් නියෝගයක් තිබෙන අතර එම නඩුව ලබන 3 වැනිදා තිබෙන බවත් අනෙකුත් සියලුම පළාත් පාලන ආයතනවල ප්‍ර‍තිඵල නිකුත් කර තිබෙන බවත් කොමසාරිස්වරයා පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
