රුසියාව විසින් ශ්‍රී ලංකාවේ තේ ලබාගැනීමට තාවකාලිකව නවතා දැමීම සම්බන්ධයෙන් වූ ගැටළුව ඉක්මනින් ම නිරාකරණය කරගැනීමට උපරිම පියවර ගන්නා බව වැවිලි කර්මාන්ත අමාත්‍ය නවීන් දිසානායක මහතා පවසයි.
මහනුවර පැවැති උත්සවයක් අතරතුර මාධ්‍යවෙත අඳහස් දක්වමින් අමාත්‍යවරයා මෙසේ පවසා ඇත.
කැප්රා නමැති කෘමියෙක් සිටීම හේතුවෙන් රුසියාවට තේ සපයන එක තාවකාලිකව නවතා තිබෙනවා. ප්‍රශ්නය ඉක්මනින් නිරාකරණය කිරීමට සියලු කටයුතු කරනවා. රාජ්‍ය තාන්ත්‍රික මට්ටමින් මේ වනවිටත්සා කච්ඡා කරනවා. ප්‍රශ්නය දීර්ඝ කාලීනව යන්නේ නෑ. රුසියානු රට අපේ තේ ලබාගන්නා විශාල රටක්. උපරිම ශක්තිය යොදවා, විසඳුමක් ලබාගැනීමට කටයුතු කරන බවද අමාත්‍යවරයා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
