ඒ මහතා මේ බව අනාවරණය කළේ අද රජයේ ප්‍රවෘත්ති දෙපාර්තමේන්තුවේ පැවති ප්‍රවෘත්ති සාකච්ඡාවේදීය.
මෙහිදී තවදුරටත් අදහස් දැක්වු අමාත්‍යවරයා මෙම සතිය තුළ වැඩ සටහන් මාලාවක් දිවයින පුරා ක්‍රියාත්මක කිරීමට සැලසුම් කර ඇති බවත් මෙහි අරමුණ වන්නේ ජනතාව අතර සමඟිය, සාමය, දයාව සහ සහෝදරත්වය වැඩි දියුණු කිරීමටත් විවිධ ජන වර්ග අතර අවබෝධය සහ විශ්වාසය තහවුරු කිරීමත් බවද පැවසීය.
ජාතික ප්‍රතිසන්ධාන සතිය තුළ ක්‍රියාත්මක කිරීමට නියමිත වැඩ සටහන් මාලාවේ ප්‍රථම වැඩ සටහන වන්නේ අමාත්‍යංශය විසින් සකසා ඇති ප්‍රතිසන්ධාන ප්‍රතිඥාව සෑම රාජ්‍ය ආයතනයකම ප්‍රකාශයට පත් කිරීමයි. මේ අනුව සමස්ත පාසල් පද්ධතියේ සිට ශ්‍රී ලංකා පාර්ලිමේන්තුව දක්වා වන සෑම රාජ්‍ය ආයතනයක්ම දායක කර ගනිමින් ශ්‍රී ලංකාවේ ප්‍රථම ජාතික ඒකාබද්ධතා හා ප්‍රතිසන්ධාන සතිය ක්‍රියාත්මක කෙරේ.
මෙහිදී දැනුවත් කිරීමේ වැඩ සටහන් රැසක් සංවිධානය කර ඇති අතර කොළඹ රාජකීය විදුහල, විවේකානන්ද මහා විද්‍යාලය, ෆාතිමා මුස්ලිම් බාලිකා විද්‍යාලය, නාලන්දා විද්‍යාලය, විශාකා විද්‍යාලය, යන විද්‍යාලයන්හි කොළඹ කේන්ද්‍ර කර ගනිමින් ද යාපනය කේන්ද්‍ර කර ගනිමින් හාර්ට්ලි සහ වඩුක්කෝඩෙයි හින්දු විද්‍යාලයේදීද දැනුවත් කිරීමේ වැඩ සටහන් පැවැත්වීමට කටයුතු යොදා ඇත.
AP
