එම නිවේදනයෙහි තවදුරටත් දක්වා ඇත්තේ, එවැනි පක්ෂ මාරු කිරීම් හා නායකත්වයට එරෙහිවීම් පිළිබඳව විශාල ප්‍රචාරයක් මාධ්‍ය තුළින් නිරායාසයෙන් ම සිදුවන බවයි. දැනට ඡන්ද විමසීමක් ප්‍රකාශයට පත්ව ඒ සඳහා සියලු ම කටයුතු පිළියෙළ වෙමින් පවතින නිසා මෙවැනි ප්‍රචාර මගින් ඇතැම් පක්ෂවලට ප්‍රවර්ධනයක් ද තවත් පක්ෂවලට අගතියක් ද සිදුවන හෙයින් පක්ෂ මාරු කරන නැතහොත් නායකත්වයට එරෙහිවන අපේක්ෂයන්/ ක්‍රියාකාරීන් විසින් මාධ්‍ය හරහා කරනු ලබන ප්‍රකාශවලට පිළිතුරු දීමට එම අපේක්ෂකයන්/ ක්‍රියාකාරීන් අයත්ව සිටි පක්ෂවලට ද මාධ්‍ය හරහා අදහස් ප්‍රකාශ කිරීමට ඒ හා සමාන අවස්ථා ලබාදීමත් සහ එසේ පක්ෂ මාරු කරනු ලැබූ අපේක්ෂකයන් පිළිබඳ තොරතුරු හා ඔවුන්ගේ ප්‍රකාශ වරින් වර නැවත විකාශය කිරීමෙන් වැළකී සිටීමත් අත්‍යවශ්‍ය බව සියලු ම විද්‍යුත් හා මුද්‍රිත මාධ්‍ය වෙත මැතිවරණ මහලේකම් කාර්යාලය සිය නිවේදනය මගින් දන්වා සිටී.
ECB
