අධ්‍යාපන අමාත්‍ය බන්දුල ගුණවර්ධන මැතිතුමාගේ සංකල්පයක් අනුව මිහින්තලේ පැවැත්වෙන පොත් දන්සල සඳහා පොත් පරිත්‍යාග ලබා ගැනීමේ අවසන් දිනය වන අද (09) දිනයේදී ද පාසල් සහ අධ්‍යාපන කලාපවල පොත් පරිත්‍යාගයන් අධ්‍යාපන අමාත්‍ය බන්දුල ගුණවර්ධන මහතා වෙත පිරිනැමීම අධ්‍යාපන අමාත්‍යාංශ පරිශ්‍රයේදී සිදු කෙරිණි.
දිවයිනේ නන්දෙසින් ලක්ෂ සංඛ්‍යාත පොත් පරිත්‍යාගයන් පිරිනැමෙමින් පවතින අතර දරුවන් තමන් එක්වරක් පාවිච්චි කළ අතිරේක කියවීම් පොත්, ළමා කතන්දර පොත්, පසුගිය ප්‍රශ්නෝත්තර පොත්, විෂය පොත්, සාහිත්‍ය පොත් යනාදිය කිසිදු අයකිරීමකින් තොරව මිහින්තලයට පැමිණෙන ලක්ෂ සංඛ්‍යාත දරුවන් වෙත ලබාදීම මෙම පොත් දන්සලේ අරමුණ වේ.
පන්නිපිටිය ධර්මපාල විද්‍යාලයේ පොත් පරිත්‍යාගයන් අධ්‍යාපන අමාත්‍ය බන්දුල ගුණවර්ධන මැතිතුමා වෙත අධ්‍යාපන අමාත්‍යාංශ පරිශ්‍රයේදී අද භාරදුන් අවස්ථාව ඡායාරූපයේ දැක්වේ.
NDH/kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
