ගංවතුර හා පස් කඳු කඩා වැටීමෙන් අවතැන් වූ කළුතර දිස්ත්‍රික්කයේ අගලවත්ත ප්‍රාදේශීය ලේකම් කොට්ඨාසයේ ජනතාව වෙත වියළි සලාක පිරිනැමීම අග්‍රාමාත්‍ය, ආචාර්ය දි.මු. ජයරත්න මැතිතුමාගේ සහභාගිත්වයෙන් සිදු කෙරිණ.
දැඩි වර්ෂාව නිසා ගංවතුර, නාය යෑම් සහ පස් කඳු කඩා වැටීම් හේතුවෙන් අගලවත්ත ප්‍රදේශයේ පවුල් විශාල ප්‍රමාණයක් අවතැන් වූහ. එහිදී මරණයට පත්වූවන්ගේ ඥාතීන්ගේ සුවදුක් විමසූ අග්‍රාමාත්‍යතුමා, ඔවුනට අවශ්‍ය පහසුකම් සලසන ලෙස එහිදී අදාළ නිලධාරීන් වෙත උපදෙස් දුන්නේය.
වැවිලි කර්මාන්ත අමාත්‍ය, මහින්ද සමරසිංහ මහතාගේ මෙහෙයවීමෙන් අගලවත්ත ආපදා කළමනාකරණ මධ්‍යස්ථාන පරිශ්‍රයේ දී මෙම වියළි සලාක බෙදාදීම සිදු කෙරිණ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
