පාසල් දරුවන් ප‍්‍රවාහනය කරන සෑම රථයකටම ප‍්‍රථමාධාර පෙට්ටියක් අනිවාර්ය කරන බවත්, රථයේ ගුවන්විදුලියන්ත්‍රයක් තිබේ නම් ඒ තුළින් දරුවන්ගේ අධ්‍යාපනයට වැදගත් වන දේ පමණක් ප‍්‍රචාරය කරන ආකාරයේ වැඩපිළි‍වෙළක් ආරම්භ කරන බවත් අමාත්‍යවරයා පැවසුවේ පාසල් ළමුන්ගේ ප‍්‍රවාහන සේවාව විධිමත් කිරීමේ අරමුණින් පාසල් ළමුන් ප‍්‍රවාහනය කරන්නන් දැනුවත් කිරීම සඳහා පසුගිය ඉරිදා පැවති වැඩමුළුවට එක්වෙමිනි.
ප‍්‍රවාහන රථවලින් පාසල් යන දරුවන්ට රක්‍ෂණ ක‍්‍රමයක් ඇති කිරීම පිළිබඳව අවධානය යොමුව තිබෙන බවත් දැනට ඒ ආකාරයේ රක්‍ෂණ ක‍්‍රමයක් නොමැති බවත් අමාත්‍යවරයා එහිදී පැවසීය.
මෙම කමිටුවේ වාර්තාව ජුලි 31 වනදාට පෙර ලබා දෙන ලෙසට උපදෙස් ලබා දී ඇති අතර, මේ සඳහා මහජනතාවටද සිය යෝජනා හා අදහස් පුද්ගලික ප‍්‍රවාහන සේවා අමාත්‍යාංශයට යොමු කරන මෙන් අමාත්‍යවරයා ජනතාවගෙන් ඉල්ලා සිටියේය. ඒ අනුව සියලු ම පාර්ශව සිය සහයෝගය මේ සඳහා ලබාදෙන්නේ නම් ඉදිරි මාස කිහිපය තුළ සමස්ත සේවාව නියාමනය කර පොදු ප‍්‍රතිපත්තියක් යටතේ කි‍්‍රයාත්මක කළ හැකි වන බවද අමාත්‍යාවරයා මෙහිදී අවධාරණය කළේය.
මෙම අවස්ථාවට පුද්ගලික ප‍්‍රවාහන සේවා අමාත්‍යාංශයේ ලේකම් පද්මසිරි ජයමාන්න, ජාතික ගමනාගමන කොමිෂන් සභාවේ සභාපති රේණුක පෙරේරා, අමාත්‍යාංශ උපදේශක නිහාල් පේ‍්‍රමසිංහ,පළාත් මාර්ගස්ථ මගී ප‍්‍රවාහන අධිකාරියන් හී සභාපතිවරුන් හා සමාන්‍යාධිකාරීවරුන්, අධ්‍යාපන අමාත්‍යාංශය, ස්වදේශ කටයුතු අමාත්‍යාංශය, මුදල් හා ක‍්‍රමසම්පාදන අමාත්‍යාංශය, ප‍්‍රවාහන අමාත්‍යාංශය, මෝටර්රථ ප‍්‍රවාහන දෙපාර්තමේන්තුව, රථවාහන පොලිසිය යන ආයතනයන්හි නිලධාරීන්, දෙමාපියන්, පාසල් වෑන් රථ නියෝජිතවරු ඇතුළු පිරිසක් එක්ව සිටියහ.
ECB
