අධ්‍යයන පොදු සහතික පත්‍ර (උ/පෙළ) විභාගයේ උත්තර පත්‍ර ඇගයීමේ පළමු අදියර අද (12) සිට ලබන 25 වැනි දා දක්වා සිදු කෙරෙන බව විභාග කොමසාරිස් ජනරාල් ඩබ්ලිම්.එම්.එන්.ජේ.පුෂ්පකුමාර මහතා පැවසීය.
මෙම ඇගයීම් කටයුතු සඳහා ගුරුවරුන් 7600ක් සහභාගි වන බවත් පාසල් 23ක් යොදා ගැනෙන බවත් ඒ මහතා සඳහන් කළේය.
මෙහිදී පාසල් 8ක් සම්පූර්ණ වශයෙන් වසා තැබෙන අතර ඉතුරු පාසල් 17 හි කොටසක් මෙම ඇගයීම් කටයුතු සඳහා යොද ගැනේ.
දිස්ත්‍රික්ක 17ක නගර 20කදී මෙම ඇගයීම් කටයුතු සිදු කෙරේ.
මෙම ඇගයීම් ක්‍රියාවලියේ දෙවැනි අදියර ලබන 27 වැනි දා සිට ඔක්තෝම්බර් 08 වැනි දා දක්වා සිදු කෙරෙන බව ද විභාග කොමසාරිස් ජනරාල්වරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
