ගංවතුර හේතුවෙන් විශාල ජීවිත ගණනක් අහිමි කරගනිමින් ආපදාවට ලක්ව සිටින මියන්මාරයේ ජනතාව වෙත ශ්‍රී ලංකා රජය සහ ලක්වැසියන් සිය හෘදයාංගම ශෝකය පළ කර සිටින බව ශෝක පණිවිඩයක් නිකුත් කරමින් විදේශ කටයුතු අමාත්‍යංශය ප්‍රකාශ කරයි.
ශ්‍රී ලංකා ජනතාවගේ ප්‍රාර්ථනා සහ යැදුම් මෙම ස්වාභාවික ආපදාව හේතුවෙන් සිය ආදරණීයයන් අහිමි කරගත් පවුල් සමඟ බවත් මෙම විපතින් මියන්මාරය ඉතා ඉක්මණින් යථා තත්වයට පත් වෙතැයි විශ්වාස කරන බවත් එම පණිවිඩයේ සඳහන් වේ.
මෙම ශෝක කාලය තුළ දී ලක් රජය සහ ලක්වාසීන් මියන්මාරයේ රජයට සහ ජනතාවට සිය නොමඳ සහයෝගය සහ සහය ලබා දෙන බව අවධාරණය කරන බවත් පණිවිඩයේ වැඩිදුරටත් සඳහන් වේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
