1973 අංක 48 දරන ජාතික ලේඛනාරක්ෂක පනතේ 13 (1) (ඉ) වගන්තිය අනුව ශ්‍රී ලංකාවේ පවත්වනු ලබන ඕනෑම මැතිවරණයක දී පක්ෂ හා ස්වාධීන අපේක්ෂකයන් විසින් ප්‍රකාශයට පත් කරන ලද ප්‍රතිපත්ති ප්‍රකාශන, පත්‍රිකා, දැන්වීම්, පිංතූර හා ඡායාරූ ආදි මැතිවරණයට අදාළ සියලු ම ප්‍රකාශනයන් ප්‍රකාශයට පත් කළ දින සිට දින 30ක් ඇතුළත ජාතික ලේඛනාරක්ෂක දෙපාර්තමේන්තුව වෙත එවීමට හෝ ගෙනවිත් භාරදීමට අපේක්ෂකයන් නෛතිකව බැඳී සිටිති.
