ශිෂ්‍යත්ව විභාගය පැවැත්වෙන කාලසීමාව තුළ දරුවන්ට බාධාවන අයුරින් මැතිවරණ ප්‍රචාරණ කටයුතු සිදු නොකරන්නැයි විභාග කොමසාරිස් ජනරාල් අමිත් ජයසුන්දර මහතා ඉල්ලීමක් කරයි. අද(13) විභාග දෙපාර්තමේන්තුවේ පැවති මාධ්‍ය හමුවකට එක්වෙමින් විභාග කොමසාරිස්වරයා මේ බව පැවසීය.
මෙවර ශිෂ්‍යත්ව විභාගය පැවැත්වෙන්නේ මැතිවරණ උණුසුම පවතින කාලසීමාවක බවත් විභාගය පැවැත්වෙන ඉරිදා උදෑසන 09.30 සිට 12.15 දක්වා කාල සීමාව තුළ දරුවන්ට බාධාවන ලෙස ශබ්ධ විකාශන යන්ත්‍ර යොදාගනිමින් කටයුතු නොකරන ලෙස ඒ මහතා ඉල්ලා සිටියේය.
දරුවන් මුහුණ දෙන පළමු විභාගය මෙය බැවින්, සමාජ යුතුකමක් සේ සලකා ඒ සඳහා සහාය වන්නැයිද විභාග කොමසාරිස්වරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
