අමාත්‍යවරයා මේ බව ප්‍රකාශ කළේ අද (22) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය සාකච්ඡාවේ දී ය.
එමඟින් තේ නිෂ්පාදනය ඉහළ නැංවීම සඳහා පොහොර භාවිතය ප්‍රචලිත කිරීම අරමුණු කර ගනිමින් ඉදිරිපත් කළ යෝජනාවට කැබිනට් අනුමැතිය හිමි වූ බව අමාත්‍යවරයා සඳහන් කළේය.
එමෙන්ම, 2024/25 මහා කන්නයේ දී කුඹුරු ඉඩම්වල වගා කරනු ලබන වී සහ අනිකුත් ක්‍ෂේත්‍ර සඳහා ගොවින් වෙත පොහොර සහනාධයක් ලබා දීමට කටයුතු කරන බවද අමාත්‍යවරයා පැවසීය.
ඒ අනුව, 2024/25 මහා කන්නය සඳහා ස්ටේට් ෆර්ටිලයිසර් කම්පැනි ලිමිටඩ් මඟින් සහ පුද්ගලික අංශය මඟින් පොහොර ආනයනය කර වී වගාව සහ අනිකුත් වී වගාවන් සඳහා වගා කරන ලද උපරිම හෙක්ටයාරයකට රුපියල් 15,000 බැඟින් මුල්‍ය සහනාධාරයක් ගොවිජන සංවර්ධන දෙපාර්තමේන්තුව මඟින් ලබා ලබා දීමට ද කටයුතු කරන බවත් අමාත්‍යවරයා වැඩිදුරටත් සඳහන් කළේය.
ඒ සඳහා කෘෂිකර්ම හා වැවිලි කර්මාන්ත අමාත්‍යවරයා විසින් ඉදිරිපත් කරන ලද යෝජනාවට ද කැබිනට් අනුමැතිය හිමි ව තිබේ.
කෙසේ නමුත්, මෙම වසර වෙනුවෙන් අයවැයෙන් වෙන් කරන ලද ප්‍රතිපාදන වලට පරිබාහිරව කිසිඳු දීමනාවක් ලබා දිය නොහැකි බවත්, දේශපාලන අරමුණු කර ගනිමින් මෙම දීමනා ලබා දීමට කටයුතු නොකරන බවත් අමාත්‍යවරයා මෙහි දී වැඩිදුරටත් සඳහන් කළේය.
