මුදල් පිළිබඳ බලය පාර්ලිමේන්තුව සතු බැවින් ජාත්‍යන්තර මූල්‍ය අරමුදල සමඟ එකඟ වී ඇති වැඩපිළිවෙළ මිස වෙනත් වැඩපිළිවෙළක් ක්‍රියාත්මක කළ නොහැකි බවට මහ බැංකු අධිපතිවරයා සිදු කර ඇති ප්‍රකාශය අතිශය වැදගත් ප්‍රකාශයක් බව ද ඇමැති ආචාර්ය බන්දුල ගුණවර්ධන මහතා පැවසීය.
එබැවින් මේ සම්බන්ධයෙන් පුළුල් ජාතික සංවාදයක් ගොඩනැඟීම අතිශය වැදගත් බවත් සියලු මන්ත්‍රීවරුන්ගේ එකඟතාවයෙන් මෙම ප්‍රකාශය සම්බන්ධයෙන් දින තුනක විවාදයක් පැවැත්වීමට කටයුතු කරන ලෙසත් කථානායකවරයාගෙන් අමාත්‍ය බන්දුල ගුණවර්ධන මහතා ඉල්ලා සිටියේය.
ඒ අනුව අමාත්‍ය බන්දුල ගුණවර්ධන මහතා විසින් සිදු කරන ලද ඉල්ලීම සම්බන්ධයෙන් පක්ෂ නායක රැස්වීමේදී අවධානය යොමු කරන බව කථානායක මහින්ද යාපා අබේවර්ධන මහතා සඳහන් කළේය.
