විශ්ව විද්‍යාලආචාර්ය මහාචාර්යවරුන් සහ වෛද්‍ය වෘත්තිකයින් රට හැර යාම සම්බන්ධයෙන් ජාතික ජන බලවේගයේ කොළඹ දිස්ත්‍රික් මන්ත්‍රී අනුර දිසානායක මහතා යොමු කළ වාචික් ප්‍රශ්නයකට පිළිතුරු දෙමින් උසස් අධ්‍යාපන අමාත්‍යවරයා මේ බව පැවසීය. විශ්ව විද්‍යාල ආචාර්ය සහ මහාචාර්යවරුන් රට හැර යාම සම්බන්ධයෙන්ද අදහස් දක්වමින් රාජ්‍ය අමාත්‍යවරයා පැවසුවේ මේ වනවිට සිටින ආචාර්යවරුන්ගෙන් එම තත්වය කළමනාකරණය කරගනිමින් තිබෙන බවයි. රට හැර ගිය විද්වතුන්ගෙන් බහුතරයක් වෛද්‍ය වෘත්තිකයින් බවද හෙතෙම සඳහන් කළේය. වෛද්‍ය සභාව සමග මේ සම්බන්ධයෙන් සාකච්ඡා කරන බවත් මෙය අසාමාන්‍ය තත්වයක් බවද රාජ්‍ය අමාත්‍යවරයා පෙන්වා දුන්නේය. දරුවන්ට අනාගත සෞඛ්‍ය ක්ෂේත්‍රයටත් කිසිදු හානියක් නොවන ආකාරයෙන් උසස් අධ්‍යාපනය ප්‍රතිසංස්කරණය කිරීමේ කටයුතු මේ වන විට ආරම්භ කර ඇතැයි හෙතෙම පෙන්වාදුන්නේය.
රටේ තිබෙන අර්බුදය නොතකාම වෛද්‍ය වෘත්තියේ යෙදී සිටින පිරිස් රට හැර ගොස් ඇති බවත් රට හැර යාම ඔවන්ගේ අයිතිය බවද කීය. නමුත් මහාචාර්යවරයෙක් රට හැර ගිය පසු නැවත මහාචාර්යවරයෙක් බිහිකිරීම සඳහා වසර 25ක් වත් ගතවන බව හෙතෙම කීය. වෛද්‍ය විශේෂඥයින්ගේ දීමනාව රුපියල් 35,000කින් ඉහළ දැමීමට සහ සරසවි ආචාර්යවරුන්ගේ දීමනවා 25%කින් වැඩි කිරීමට මේ වන විට කටයුතු කර ඇතැයිද කීය
