පසුගිය 04 වනදා ආරම්භ වූ අධ්‍යයන පොදු සහතික පත් උසස් පෙළ විභාගය පැවැත් වෙන කාලසීමාව තුළ විභාග අපේක්ෂකයින් හට බාධාවන අකාරයේ කිසිදු ක්‍රියාකාරකමක් විභාග මධ්‍යස්ාථාන පිහිටුවා ඇති පාසල් තුළ සංවිධානය නොකරන ලෙස විභාග දෙපාර්තමේන්තුව දැනුම් දෙයි.
මේ සම්බන්ධයෙන් සියලුම විදුහල්පතිවරුන් වෙත සහ දෙමව්පියන් වෙත උපදෙස් ලබා දී තිබේ. එහෙත් එම උපදෙස්වලට පටහැනි ලෙස විභාග මධ්‍යස්ථාන පිහිටුවා ඇති ඇතැම් පාසල් තුළ විභාග අපේක්ෂකයින්ට බාධාවන ආකාරයේ අධික ශබ්ද නැගෙන විවිධ ක්‍රියාකාරකම් සිදු කෙරන බවට විවිධ ප්‍රදේශ වලින් පැමිණිලි ලැබෙන බව විභාග කොමසාරිස් ජනරාල් අමිත් ජයසුන්දර මහතා පැවසයි.
ඒවැනි ක්‍රියාකාරම් විදුහල් ආශ්‍රිතව සිදු නොකරන ලෙස විභාග කොමසාරිස්වරයා සියලු විදුහල්පතිවරුන්ට අවධාරණය කරයි
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
