රජයේ ප්‍රවෘත්ති අධ්‍යක්ෂ ජනරාල් දිනිත් චින්තක කරුණාරත්න මහතාගේ ප්‍රධානත්වයෙන් කාර්ය මණ්ඩලය රැස් වූ අතර එහිදී අධ්‍යක්ෂ ජනරාල්වරයා විසින් ජාතික කොඩිය එසවීමෙන් අනතුරුව ජාතික ගීය ගායනා කළ නිලධාරීන් රාජ්‍ය සේවා ප්‍රතිඥාව ලබා දෙන ලදි.
ඉන් අනතුරුව නිලධාරීන් ඇමතු රජයේ ප්‍රවෘත්ති අධ්‍යක්ෂ ජනරාල් දිනිත් චින්තක කරුණාරත්න මහතා පැවසුවේ නව වසර ප්‍රවෘත්ති දෙපාර්තමේන්තුවට විශේෂ කාර්යභාරයක් පැවරෙන වසරක් බවයි.
අභියෝග ජය ගැනීමටත්, සතුටින්,සහයෝගයෙන්,කාර්යක්ෂමව කටයුතු කිරීමට හැකිවන වන නව වසරක් වේවා යැයි ප්‍රවෘත්ති අධ්‍යක්ෂ ජනරාල්වරයා සියලු කාර්ය මණ්ඩලයට සුබ පැතුම් එක් කළේය. පසුගිය වසරේ දෙපාර්තමේන්තුවේ සෑම නිලධාරියෙකුම රාජකාරි කටයුතු කිරීමේදී තමන්ට උපරිම සහයෝගක් ලබා දුන් බවද කීය.
මෙම අවස්ථාවට රජයේ ප්‍රවෘත්ති දෙපාර්තමේන්තුවේ කාර්ය මණ්ඩලයේ සියලු නිලධාරීන් සහභාගී විය
