2023 වසරේ අවසාන දිනය වන අද රාත්‍රියේ විනෝදාස්වාදය සඳහා කොළඹ නගරයට විශාල ජනතාවක් පැමිණෙනු ඇති බවත් , ඒ් වෙනුවෙන් අද(31) පස්වරුවේ සිට කොළඹ නගරයේ විශේෂ රථ වාහන සැළස්මක් ක්‍රියාත්මක කරන බව , පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය.
ඒ් මහතා මේ බව පැවසුවේ , ඊයේ(30) පොලිස් මූලස්ථානයේ පැවති මාධ්‍ය සාකච්ඡාවකට එක්වෙමිණි.
ඒ් අනුව කොටුව, කොම්පඤ්ඤවීදිය සහ කොල්ලුපිටිය පොලීස් ස්ථාන කේන්ද්‍ර කර ගනිමින් මෙම රථවාහන සැළස්ම ක්‍රියාත්මක වේ.
එහිදී ඔහු පැවසුවේ, අලුත් අවුරුදු උදාව වෙනුවෙන් සිදුකරන සැමරුම් හේතුවෙන් ඇතිවිය හැකි රථ වාහන තදබදය අවම කිරීමේ අරමුණින් හෙට පස්වරු 05 සිට එම රථ වාහන සැලැස්ම ක්‍රියාත්මක වන බවයි.
විශේෂයෙන් ගාලුමුවදොර ආශ්‍රිතව මෙම රථවාහන සැලස්ම ක්‍රියාත්මක කරන බව පොලිස් මාධ්‍ය ප්‍රකාශකවරයා වැඩිදුරටත් සඳහන් කළේය
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
