නවීකරණයට කටයුත්තක් හේතුවෙන් ජනවාරි පළවෙනිදා සිට උතුරු දුම්රිය මාර්ගයේ මහව සිට අනුරාධපුර දක්වා කොටස මාස 06කට තාවකාලිකව වසා දැමීමට කටයුතු කරන බව දුම්රිය නියෝජ්‍ය සාමාන්‍යධිකාරී (ගමනාගමන) ඉඳීපොලගේ මහතා අද (27) ප්‍රකාශ කළේය.
ඒ මහතා මේ බව ප්‍රකාශ කළේ රජයේ නිල වෙබ් අඩවිය මේ සම්බන්ධව කළ විමසුමේ දී ය.
ඒ අනුව, ජනවාරි 01 සිට මාස 06 ක කාලයක් මෙම කොටස වසා තැබෙන අතර කොළඹ සිට මහව දක්වා මෙන්ම අනුරාධපුර සිට කන්කසන්තුරේ දක්වා දුම්රිය ගමන් කටයුතු සිදු වෙන බවත් හෙතෙම ප්‍රකාශ කළේය.
මෙම වසරේ මුල් භාගයේ දී අනුරාධපුර ඕමන්තේ ඇරඹි නවීකරණ ව්‍යාපෘතියේ දෙවන අදියරක් ලෙස ක්‍රියාත්මක වන බවත්, කෙසේ වුවත් මේ වන විට අනුරාධපුර සිට ඕමන්තේ දක්වා වන දුම්රිය මාර්ගය විවෘත කර ඇති බවත් හෙතෙම මෙහි දී වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
