අමාත්‍යවරයා මෙම අදහස් ප්‍රකාශ කළේ පසුගියදා (24) ධීවර අමාත්‍යංශය මගින් මුලතිව් දිස්ත්‍රික්කය තුළ සිදුකරන සංවර්ධන ව්‍යාපෘතීන්හී ප්‍රගතිය පිළිබදව සොයාබැලීම සදහා සිදුකළ සංචාරයේදි ධීවර අමාත්‍යංශයට අයත් ආයාතනවල නිලධාරීන් හමු වු අවස්ථාවේදීය.
මෙහිදි වැඩිදුරටත් අදහස් දැක්වු අමාත්‍යවරයා, නීති විරෝධි ධීවර කටයුතු සදහා ඇතැම් රාජ්‍ය නිලධාරීන්ගේ ක්‍රියාකලාපයන්ද හේතු වී ඇතැයිද, රාජ්‍ය නිලධාරීන් නිදහසට කරුණු නොකියා පවතින නීති රීති වලට අනුව කටයුතු කරන්නේ නම් බොහෝදුරට මෙම ගැටලු විසදාගත හැකි බවද, එසේ කිරීමට නොහැකි රාජ්‍ය නිලධාරීන් සිටීනම් තමන්ට කළ හැකි සුදුසු රැකියාවක් තොරාගැනීමට හැකියාව පවතින බවද වැඩිදුරටත් පැවසීය.
මෙම අවස්ථාවට ධීවර අමාත්‍යංශයට අයත් නිලධාරීන් ඇතුලු ධීවර සංගම් නියෝජිතයින් පිරිසක් එක්ව සිටියහ.
