පළාත් පාලන මැතිවරණය වෙනුවෙන් ඇප මුදල් තැන්පත් කළ රාජ්‍ය සේවකයින් සම්බන්ධයෙන් විපක්ෂ නායක සජිත් ප්‍රේමදාස මහතා යොමු කළ වාචික ප්‍රශ්නයට පිළිතුරු දෙමින් රාජ්‍ය අමාත්‍යවරයා මේ බව පැවසීය.
වැඩිදුරටත් අදහස් දැක් වූ රාජ්‍ය අමාත්‍යවරයා පැවසුවේ,
පසුගිය සිකුරාදා පැවති විශේෂ රැස්වීමකදී මේ සම්බන්ධයෙන් මැතිවරණ කොමිෂන් සභාවෙන් විශේෂ ඉල්ලීමක් සිදු කළා. අවම වශයෙන් ඡන්දයට දින නියම වන තුරු හෝ එම රාජ්‍ය සේවකයින්ට නැවත තමන් සේවය කළ සේවා සථාන වල සේවය කිරීමට අවස්ථාව ලබා දෙන ලෙස මෙහිදී අපි ඉල්ලා සිටියා.
මෙවැනි රාජ්‍ය සේවකයින් 80,000ක් ඉන්නවා. ඇතැම් රාජ්‍ය සේවකයින් ඇවිත් අපෙන් ඉල්ලා සිටිනවා, මම ඡන්දෙ ඉල්ලන් නැහැ. නමුත් ඉල්ලා අස්වෙන්න ඉඩ දෙන්න කියලා. ඔවුන්ට තමන්ගේ අතේ තියෙන මුදලින් අසරණ මිනිසෙකුට බත් පැකට් එකක්වත් දෙන්න බැහැ. එය අල්ලස් දීමක් වෙනවා.මේ සඳහා විශේෂ විධි විධාන පනතක් පාර්ලිමේන්තුවට ගේන්න ඕන. පනතකින් හැර මෙම නාමයෝජනා අවලංගු කරන්න බැහැ.
