රජයේ ප්‍රවෘත්ති දෙපාර්තමේන්තු ශ්‍රවණාගාරයේදී (13) පැවති "නිපුනතා සවිය" ප්‍රතිලාභ යෝජනා ක්‍රමය පිළිබඳව ජනතාව දැනුවත් කිරීමේ මාධ්‍ය හමුව අතරතුරේදී ඒ මහතා මේ බව සඳහන් කළේය.

ඒ අනුව 2022 වර්ෂයට අදාළව 2023 ජනවාරි මස පැවැත්වූ අ.පො.ස උසස් පෙළ විභාගයට පෙනී සිටි දූ දරුවන් හට පිළිගත් වෘත්තීය පුහුණු පාඨමාලාවක් (NVQ3 සහ 4 මට්ටමේ) හැදෑරීම සඳහා රු. 25,000/-ක උපරිමයකට යටත්ව මූල්‍ය ප්‍රතිපාදන ලබා දීම මෙම ප්‍රතිලාභ යෝජනා ක්‍රමය යටතේ සිදුවේ.

පාඨමාලාවක් සමඟ සම්බන්ධ වී සාර්ථක ලෙස පාඨමාලවන් සම්පූර්ණ කරන දරුවන් සඳහා අදාල ආයතනය වෙත ගෙවීමට කටයුතු කරන බව ද රෝහණ අභයරත්න මහතා වැඩිදුරටත් සඳහන් කළේය. ‍

කාලීන අවශ්‍යතාවයන් අරමුණු කොට ගෙන උසස් පෙළින් පසු දරුවන්ගේ වෘත්තීය නිපුණතාවය ඉහළ නැවීමේ අරමුණින් මෙම නිපුනතා සවිය ප්‍රතිලාභ යෝජනා ක්‍රමය ක්‍රියාත්මක වේ.

තෘතියික හා වෘත්තීය අධ්‍යාපන කොමිෂන් සභාවේ අනුමැතිය ලද වෘත්තීය පුහුණු ආයතන මගින් මෙහෙයවන පාඨමාලා 54ක් සඳහා මෙම ශිෂ්‍යත්ව හිමිවේ. එහිදී තෝරාගත හැකි පාඨමාලා පිළිබඳව www.etfb.lk වෙබ් අඩවිය වෙත පිවිසීමෙන් වැඩිදුර තොරතුරු ලබා ගත හැක.