ඒ මහතා මේ බව ප්‍රකාශ කළේ, අද (12) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය සාකච්ඡාවේ දී ය.
ඊයේ (11) සිට ක්‍රියාත්මක දුම්රිය නියාමකවරුන් 84 දෙනකු දුම්රිය ධාවනයෙන් ඉවත්වී වැඩවර්ජනයක නිරත වීම හේතුවෙන් මඟීන් දැඩි අපහසුතාවයකට පත් වූ අතර අද දිනයේ දී දුම්රියේ වහලය මත නැඟී ගමන් කිරීම හේතුවෙන් ජිවිත හානියක්ද සිදුව තිබේ.
ඒ අනුව මෙම තත්ත්වය හෙට දිනයේ දී නැවත ඇති නොවීමට හා දුම්රිය ගමනාගමන කටයුතු නිසි පරිදි සිදු වීමට අවශ්‍ය පරිදි මෙන්ම මඟී ජනතාව අසීරු කිරීමට ගන්නා උත්සාහයන් වළක්වමින් ගනු ලැබූ මෙම තීරණයට ජනාධිපතිවරයාගේ ද උපදෙසින් අනුව දුම්රිය අත්‍යවශ්‍ය සේවාවක් බවට පත් කිරීමට කටයුතු කරන බව හෙතෙම මෙහි දී ප්‍රකාශ කළේය.
