ඒ අනුව පොහොර සහනාධාර වවුචර් පත් සම්බන්ධ ගැටලු සඳහා දුරකතන අංක 0717649054 ඔස්සේ ගොවිජන සේවා දෙපාර්තමේන්තුවේ සහකාර ගොවිජන කොමසාරිස්, මිගාර මහතා ඇමතීමට හැකි බව එම දෙපාර්තමේන්තුව සඳහන් කරයි.
එසේම පොහොර පිළිබඳව විමසීම සඳහා දුරකථන අංක 0773497565 ඔස්සේ පොහොර ලේකම් කාර්යාලයේ සහකාර අධ්‍යක්ෂ ධම්මික එදිරිසූරිය මහතා ඇමතීමෙන් තොරතුරු ලබා ගත හැකියි.
ගොවි ජනතාවට යල කන්නයේ පොහොර මිල දී ගැනීම සඳහා වවුචර්පත් තවම ලැබී නැති බවටත්, යුරියා ඇතුලු අනෙකුත් පොහොර ලබා ගැනීමේ දී ඇතිවන ගැටලු පිළිබඳවත් නිරන්තරයෙන් මාධ්‍ය තුළ ගොවි ජනතාවගේ අදහස් ප්‍රකාශ වන බැවින් තොරතුරු ලබා ගැනීමට තවත් නිලධාරින් දෙදෙනකුගේ දුරකථන අංක මාධ්‍ය වෙත නිකුත් කරන ලෙස කෘෂිකර්ම අමාත්‍ය මහින්ද අමරවීර මහතා නිලධාරින්ට උපදෙස් ලබා දී තිබේ.
