ශ්‍රි ලංකාවට පැමිණ සිටින ඇමරිකා එක්සත් ජනපදයේ දකුණු හා මධ්‍යම ආසියානු කටයුතු පිළිබඳ කාර්යාංශයේ සහකාර රාජ්‍ය ලේකම් ඩොනල්ඩ් ලූ මහතා අද (ඔක්තෝබර් 19) කෝට්ටේ ශ්‍රී ජයවර්ධනපුර ආරක්ෂක මූලස්ථාන සංකීර්ණයේ දී ආරක්ෂක ලේකම් ජෙනරල් කමල් ගුණරත්න මහතා හමුවිය.
ආරක්ෂක ලේකම්වරයා සහකාර ලේකම් ඩොනල්ඩ් ලූ මහතා සහ ඇමරිකා එක්සත් ජනපද තානාපතිනි අතිගරු ජූලි චුන්ග් මැතිණිය ඉතා උණුසුම් ලෙස පිළිගත්තේ ය.
ජෙනරාල් ගුණරත්න විසින් ඩොනල්ඩ් ලූ මහතාගේ ප්‍රථම ආරක්ෂක අමාත්‍යාංශ සංචාරයේ අවස්ථාව සනිටුහන් කිරීමට ඔහු වෙත සමරු තිළිණයක් ද පිරිනැමීය.
ජාතික බුද්ධි ප්‍රධානී මේජර් ජෙනරල් රුවන් කුලතුංග (විශ්‍රාමික) සහ අමෙරිකානු තානාපති කාර්යාලයේ ආරක්ෂක උපදේශක ලුතිනන් කර්නල් ඇන්තනි නෙල්සන් මහතා ද මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
