මහනුවර අස්ගිරි මහා විහාරයට පැමිණි ප්‍රවාහන මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා ඊයේ (02 දින ) අස්ගිරි පාර්ශවයේ මහනායක අතිපූජ්‍ය වරකාගොඩ ශ්‍රී ඥානරතන නාහිමිපාණන් වහන්සේ බැහැ දැක ආශිර්වාද ලබා ගත්තේය.
එහිදී රටේ වත්මන් දේශපාලන තත්ත්වය පිළිබඳව මහා නායක හිමියන් දැනුවත් කළ අමාත්‍යවරයා, මහනුවර දළදා මාලිගාව ඇතුළු ආගමික ස්ථාන සහ අනෙකුත් සංචාරක ස්ථාන වෙත ගමන් කිරීමට ආරම්භ කළ නව සුඛෝපභෝගී සංචාරක දුම්රිය සේවාව ඉදිරියේදී අනුරාධපුර ප්‍රදේශයේ අටමස්ථානය ඇතුළු ආගමික සිද්ධස්ථාන වැදපුදා ගැනීමට යන බෞද්ධ බැතිමතුන් වෙනුවෙන් ද ආරම්භ කරන බවත් ප්‍රකාශ කර සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
