රටට අවශ්‍ය සහල් මෙරටේ ම නිෂ්පාදනය කිරීම රජයේ ඒකායන අරමුණ වන බව කෘෂිකර්ම, වනජීවී හා වනසම්පත් සංරක්ෂණ අමාත්‍ය, සම කැබිනට් ප්‍රකාශක මහින්ද අමරවීර මහතා අද (05) රජයේ ප්‍රවෘත්ති දෙපාර්තමේන්තුවේ පැවති සතියේ කැබිනට් මණ්ඩල රැස්වීමේ තීරණ දැනුම්දීමේ මාධ්‍ය සාකච්ඡාවේ දී ප්‍රකාශ කළේය.
එමඟින් එන මාස් කන්නයෙන් පසු මෙරටට සහල් ගෙන ඒම නතර කිරීමට ද හැකි වනු ඇතැයි ද එන මාස් කන්නයේ දී ඇරඹීමට නියමිත වැඩපිළිවෙල මඟින් එම අරමුණ සාක්ෂාත් කර ගැනීමට හැකි වනු ඇතැයි ද ඒ මහතා මෙහි දී පැවසුවේය.
ඒ සඳහා ගොවීන්ට අවශ්‍ය සියලු සහයෝගය රජය විසින් ලබා දීමට කටයුතු කරන බවත්, වගා කළ හැකි සියලුම ඉඩමක්ම වගා කිරීමට ද රජය බලාපොරොත්තු වන බවත් බවත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
