පොහොර ගැටලු නිසා වගා හානි වූ ගොවීන්ට වන්දි ලබාදීම කල් යාමක් සිදු නොවන බව සම කැබිනට් ප්‍රකාශක අමාත්‍ය වෛද්‍ය රමේෂ් පතිරණ මහතා සදහන් කළේය.
අමාත්‍යවරයා මේ බව කියා සිටියේ, අද (22) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු කළ විමසීමකට ප්‍රතිචාර වශයෙනි.
අදාළ හානිය ඇස්තමේන්තුගත කිරීමෙන් පසු ගොවි මහත්වරුන්ට සිදුව ඇති හානිය සම්බන්ධයෙන් වන්දි මුදල් ඔවුන් වෙත අනිවාර්යයෙන් ලබාදීමට රජය ප්‍රතිපත්තිමය තීරණයක් ගෙන තිබෙන බව අමාත්‍යවරයා අවධාරණය කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
