ආර්ථික ප්‍රශ්න තිබුණත් රජය සංවර්ධනය නතර කර නැති බවත් කොවිඩ් කියා ආපස්සට යන රජයක් නොවන බවත් ආණ්ඩු පක්ෂයේ ප්‍රධාන සංවිධායක,අමාත්‍ය ජොන්ස්ටන් ප්‍රනාන්දු මහතා ප්‍රකාශ කළේ ය.
අමාත්‍යවරයා අද (22) පාර්ලිමේන්තුවේ දී විපක්ෂයෙන් යොමු කළ වාචික ප්‍රශ්නයකට පිළිතුරු දෙමින් මේ බව පැවසීය.
ජනාධිපතිතුමාගේ නායකත්වය යටතේ කුමන අභියෝග පැමිණියත් සංවර්ධනය නතර නොකරන බව පැවසූ අමාත්‍යවරයා, වැක්සීන් කරලා, ජනතාව ආරක්ෂා කර රට ඉදිරියට ගෙන යන බව පැවසීය.
කොවිඩ් වසංගතය යටතේ වුවද මාර්ග ලක්ෂයෙන් වැඩපිළිවෙල ඇතුළු සංවර්ධන වැඩපිළිවෙල රජය ගෙන ගිය බවද අමාත්‍යවරයා පැවසීය.ලෝකයේ අනෙක් රටවල් ගත්විට රජය මේ වන විට සාර්ථක වැඩපිළිවෙලක් ඉදිරියට ගෙන යන බවද පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
