ඔහු මේ බව කියා සිටියේ , රජයේ නිල පුවත් වෙබ් අඩවියට අද (31) අදහස් දක්වමිනි.
රටේම ජනතාව මෙවැනි දීර්ඝ නිවාඩු වලදී ගමන් යාමට පෙළඹෙන බැවින් හැකි තරම් නිස්කලංක තැනකට යාමටත්, අවධානමකට ලක්වීමෙන් වැළකීම සඳහා හැකිනම් ගමන් නොගිහින් සිටීමට උත්සාහ කරන ලෙසත් වෛද්‍යවරයා ජනතාවගෙන් ඉල්ලා සිටියි.
මෙරට මිලියන 15කට ආසන්න ප්‍රමාණයක් දෙවන මාත්‍රාව ලබාගෙන සිටියද, තවමත් තුන්වන මාත්‍රාව ලබාගෙන ඇත්තේ මිලියන 05ක් පමණ පිරිසක් පමණක් බැවින් ඉතිරි මිලියන 10 එන්නත ලබාගැනීමට සිටින බවද ඔහු අවධාරණය කළේය.
ඔමික්‍රෝන් වෛරස ප්‍රභේදනයට එරෙහිව නිපදවන බූස්ටර් එන්නත පිළිබදව ලොව පුරා බොහෝ කරුණු සාකච්ඡා වන බවද, මෙරට සෞඛ්‍ය අංශද ඒ පිළිබදව විමසිල්ලෙන් පසුවන බවත් පැහැදිලි තොරතුරක් ලැබුණු වහාම ඒ පිළිබඳ කටයුතු කරන බවත් නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා පැවසුවේය.
