අමාත්‍යවරිය අද (13) මාධ්‍ය වෙත විශේෂ ප්‍රකාශයක් සිදු කරමින් මේ බව කීය.
කොවිඩ්-19 රෝගය වැළඳි මිය ගිය පුද්ගලයින්ගේ මෘත දේහ භූමදානය සම්බන්ධයෙන් විවිධ අයගෙන් ඉල්ලීම් ලැබී තිබෙන බවත්,මේ සම්බන්ධයෙන් පත් කරන ලද විශේෂ්ඥ කමිටුවේ තවත් වාර්තා කිහිපයක් තමා වෙත ලබා දීමට නියමිත බවත් සෞඛ්‍ය ඇමති පවිත්‍ර වන්නිආරච්චි මහත්මිය සඳහන් කරයි.
කෙසේ වුවද,පසුගිය කැබිනට් මණ්ඩලයේ දී මෙම කරුණ සම්බන්ධයෙන් කැබිනට් මණ්ඩලයේ කිසිදු තීරණයක් නොගත් බවත්,කැබිනට් මණ්ඩලයට මෙම කරුණ මතු වු අවස්ථාවේ දී කැබිනට් මණ්ඩලය දැනුම් දුන්නේ,මේ සම්බන්ධයෙන් පත් කරනු ලබන විශේෂඤ වාර්තාවට අනුව කටයුතු කරන ලෙස බවද අමාත්‍යවරිය කියා සිටියි.
ඒ නිසා, වාර්තාව ලැබුණු පසුව අවසන් තීන්දුව ගැනීමට බලාපොරොත්තු වන බව ද සෞඛ්‍ය ඇමති පවිත්‍ර වන්නිආරච්චි මහත්මිය කීය.
