මෙරට ජීවත්වන දුර්ලභ ගණයේ වන සතුන් මිනිස් ක්රියාකාරකම් නිසා ඝාතනය වන සිද්ධි පසුගිය සමයේ දිගින් දිගටම වාර්තා වීමත් එහි දිගුවක් ලෙස ඉතාම දුර්ලභ ගණයේ කළු කොටියෙක් මෙරටට අහිමි වීමත් සිදු විය.
එමෙන්ම, පසුගිය දා නාවලපිටිය මාපකන්ද ප්රදේශයේ දී පැන්තරා පාදුස් වර්ගයේ අවුරුදු 07ක පමණ තවත් කොටියෙක් මද්දකට හසුව මිය ගිය බව අනාවරණය විය.
ඒ අනුව, දිනෙන් දින මෙරට වන සත්ත්වයින් නිතිවිරෝධීව දඩයම් කිරීම පිළිබඳව වනජීවී දෙපාර්තමේන්තුවේ ක්ෂේත්ර නිලධාරීන් දැනුම්වත් කරන ලෙසත්, වන සතුන්ගේ ආරක්ෂාව සඳහා අවශ්ය පියවර ගන්නා ලෙසත්, සතුන් දඩයම් කරන අයට එරෙහි ව නීතිය අකුරටම ක්රියාත්මක කරන ලෙසත් අග්රාමාත්යවරයා විසින් මෙසේ නියෝග දී තිබේ.