එමෙන්ම, පොරොත්තු ලේඛනයේ සිටි 157,000 කට ආසන්න අවුරුදු 70 ට වැඩි පිරිසට මුල්‍ය ප්‍රතිලාභ ලබා දීම මේ වන විට අවසන් කර ඇති බවත්, ඊට අමතරව වූ වයස අවුරුදු 70 ඉක්ම වූ අඩු අදායම් ලාභී වැඩිහිටියන් 60,000 ට ආසන්න පිරිසක් ග්‍රාමීය කමිටු විසින් හඳුනාගනු ලැබූ කණ්ඩායමක් ද හඳුනගෙන ඇති බවත්, කාර්යය සාධක බළකායේ උපදෙස් මත එම හඳුනාගත් පිරිස වෙත ද හැකි ඉක්මණින් මෙම ප්‍රතිලාභ ලබා දීමට කටයුතු කරන බවත් ඒ මහතා මෙහි දී සඳහන් කර සිටියේය.

ඒ අනුව, මෙරට අඩු අදායම්ලාභී වැඩිහිටි බහුතරයකට අවශ්‍ය ප්‍රතිපාදන මේ වන විටත් ලබා දී අවසන් කර ඇති බවත් මෙහි දී ඒ මහතා සඳහන් කර සිටියේය. මේ වන විට මිලියන 2,600 ක් මෙරට වැඩිහිටියන් වෙත ලබා දීමට කටයුතු කර ඇතැයි ද ඒ මහතා වැඩි දුරටත් සඳහන් කර සිටියේය.