මහ මැතිවරණයෙන් පසුව සුදුසුකම් තිබෙන නිසි බඳවා ගැනීමේ පටිපාටියට අනුකූලව පසුගිය දිනවල උද්ඝෝෂණයේ යෙදුනු පිරිස සම්බන්ධයෙන් සහනයක් සැලසිමට හැකිවේ යැයි කැබිනට් ප්‍රකාශක ප්‍රකාශක ආචාර්ය බන්දුල ගුණවර්ධන මහතා අද (06) රජයේ ප්‍රවෘත්ති දෙපාර්තමේන්තුවේ දී පැවැති කැබිනට් තීරණ දැනුම්දීමේ මාධ්‍ය හමුවට සහභාගිවෙමින් පැවසීය.
එහිදී මාධ්‍යවේදියෙක් නැගූ පැණයකට පිළිතුරු ලබාදුන් අමාත්‍යවරයා සඳහන් කළේ,පසුගිය රජය සමයේ විශාල වශයෙන් අයථා පත්විම් සිදු කර ඇති බවත්,රැකියාවන් සඳහා බඳවා ගැනිමේ පටිපාටියෙන් තොරව බඳවා ගෙන ඇති සේවකයින්ට ගෙවිම් සිදු කළ නොහැකි බවත්, මැතිවරණයක් පවත්වා රජයක් බලයට පත් වන තෙක්,මේ කාල පරිච්ඡේදය තුළ දි රැකියා සඳහා බඳවා ගැනිම්,උසස් කිරිම්,මාරු කිරිම්,කොන්ත්‍රාත් ස්ථිර කිරිම්,කොන්ත්‍රාත් දිගු කිරීම් යනාදිය සිදු කළ නොහැකි බවත් ඒ සියල්ල චක්‍ර ලේඛන මඟින් අත්හිටවා ඇති බවත් සඳහන් කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
