එම නියෝග හා යෝජනා අමාත්ය දිනේෂ් ගුණවර්ධන මහතා විසින් ඉදිරිපත් කළේය.
ඒ පිලිබඳ විවාදය ආරම්භ කරමින් කතා කළ මුදල් රාජ්ය අමාත්ය ශෙහාන් සේමසිංහ මහතා, සෞභාග්යයේ දැක්ම මගින් දේශිය නිෂ්පාදක ආර්ථිකයක් ඇති කිරීම අපේ අරමුණ බව පැවසීය.
ඒ අනුව 6.5%ක ආර්ථික වර්ධනයක් ලබා ගැනීමට අපේක්ෂා කෙරේ. ඒ සඳහා දේශීය කෘෂි කර්මාන්තයට නව තාක්ෂණය හඳුන්වා දී කෘෂිකර්මාන්තුය තුළින් ජාතික ආර්ථිකයට වැඩි දායකත්වයක් ලබා ගන්නා බව සේමසිංහ අමාත්යවරයා පැවසීය.
වී සඳහා මේ වන විට රු 50 /ක ස්ථාවර මිලක් මෙන්ම තෙත වී සඳහා රු 44/- ක් ලබා දීමට රුපියල් මිලියන තුන් දහස් පන්සියයක් මේ වන වියත් ලබා දී ඇතැයි ඒ මහතා පැවසීය.
තුන් වසරක සැලසුමක් යටතේ දේශීය නිෂ්පාදන ආරක්ෂා කිරීම තහවුරු කරන අතර වැට් බදු 15% සිට 8% දක්වා අඩු කරමින් පාරිභෝගික ජනතාවට සහන සලසා ඇති බව සේමසිංහ අමාත්යවරයා සඳහන් කළේය.