පොදු ජනතාව තුළ පරිසර සංරක්ෂණය පිළිබඳ පුළුල් ලෙස මහජන සහභාගීත්වය ගොඩ නැංවීමටත්‚ සිවිල් සමාජ උද්යෝගය ඇති කිරීමටත්‚ පාරිසරික සංවර්ධන වැඩසටහනක් ලෙස 2011 වසරේ සිට මෙම ජනාධිපති පාරිසරික සම්මාන උළෙල පවත්වනු ලබයි.
පරිසර සංරක්ෂණ උද්යෝගය වඩවාලීම මෙන්ම ශ්‍රී ලංකාව තුළ පරිසර හිතකාමී කර්මාන්ත හා ව්‍යාපාර සංස්කෘතියක් ඇති කිරීම උදෙසා රාජ්‍ය හා පෞද්ගලික ආයතන‚ කර්මාන්ත‚ ව්‍යාපාර‚ වෘත්තිය ආයතන හා පුද්ගලයන් ඉලක්ක කර ගනිමින් ඔවුන්ගේ විශිෂ්ට පාරිසරික සේවාවන් අගයමින් මෙවර ක්ෂේත්‍ර 20 ක් යටතේ ජනාධිපති පාරිසරික සම්මාන ලබා දීම සිදු වන බව ඒ මහත්මිය මෙහිදී වැඩි දුරටත් සඳහන් කළාය.
