මේ අවස්ථාවට ප්‍රධාන ආරාධිත අමුත්තා ලෙස අග්‍රාමාත්‍ය රනිල් වික්‍රමසිංහ මහතා සහභාගී වීමට නියමිතය.

''අනුබදු මිහිඳු මාහිමි කෘතගුණ පූජා'' පුන්‍යෝත්සව වැඩසටහන යටතේ අද (05) දින අනුබුදු මිහිදු මහ රහතන්  වහන්සේගේ පරිනිර්වාණය සිදු වූ ශ්‍රි මිහිදු පුර අටවක දින පැවැත්වෙන සර්ව රාත්‍රික මහා කෘත ගුණ පූජාව සිදු කෙරේ. සවස 5.00 සිට 6.30 දක්වා මහා හේවිසි ශබ්ද පූජාව සහ ගුවනින් ඇඳ හැලෙන මහා පිච්චමල් පූජාව පැවැත්වෙයි.

ඔක්තෝබර් 06 වැනි හෙට දින දහස් නමක් පුජනීය ත්‍රෛනිකායික මහා සඟරුවන විෂයෙහි සපිරිකර සංඝගත දක්ෂිණාවක් ද පැවැත්වෙයි.

මිහින්තලා රජමහා විහාරාධිපති හා භාරකාර පූජ්‍ය වළවාහැංගුණවැවේ ධම්මරතන ස්වාමීන්ද්‍රයන් වහන්සේගේ  අනුශාසනා පරිදි රාජ්‍ය අනුග්‍රහයෙන් මෙම උත්සවය පැවැත්වෙයි.