කොළඹ දෙමට ගොඩ අද ඇති වූ සිදුවීමෙන් පොලිස් නිලධාරීන් තිදෙනෙකු ජීවිතක්ෂයට පත් වී ඇති බව පොලිස් මාධ්‍ය ප්‍රකාශක රුවන් ගුණසේකර මහතා පවසයි.
පොලිස් මාධ්‍ය ප්‍රකාශක අද (21) සවස ආරක්ෂක අමාත්‍යාංශයේ පැවැති නිල මාධ්‍ය හමුවේ දී මේ බව කීය.
මියගිය පොලිස් නිලධාරීන් අතර කොළබ අපරාධ කොට්ඨාශයේ උප පොලිස් පරීක්ෂකවරයකු සිටින බවත් පොලිස් කොස්තාපල්වරු දෙදෙනෙක් සිටින බවත් කීය. තවත් පොලිස් කොස්තාපල්වරයකු තුවාල ලබා සිටින බවද පොලිස් මාධ්‍ය ප්‍රකාශකවරයා කීය. අද සවස දෙමටගොඩ ප්‍රදෙශයේ පිපිරීමක් වාර්තා විය.එහි මෙහෙයුම් අතරතුරු මෙම නිලධාරීන් ජීවිතක්ෂයට පත්ව තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
