අද (29) ඉඩම් ඇමති ගයන්ත කරුණාතිලක මහතාගේ ආරධනයෙන් අතිගරු ජනාධිපති මෛත්‍රීපාල සිරිසේන මැතිතුමා අතින් කිරිවෙහෙර චෛත්‍යරාජයාණන් වෙත කපුරුක් පුජාව කිරීම සිදු කෙරේ.
මෙම අවස්ථාවට විශේෂයෙන් සහභාගී වන ත්‍රිවිධ හමුදාවේ සහ පොලිස් දෙපාර්තමේන්තුවේ පංචතුර්ය වාදන ශිල්පින් විසින් ආශිර්වාද ශබ්ද පුජාවක් පැවැත් වීමට නියමිතය. ඓතිහාසික කිරිවෙහර රාජමහා විහාරයේ විහාරාධිපති - රුහුණු මාගම් පත්තුවේ ප්‍රධාන සංඝනායක පුජ්‍ය කොබවක ධම්මින්ද නාහිමියන්ගේ මූලිකත්වයෙන් ආගමික වතාවත් සිදු කෙරේ. මෙම අවස්ථාවට ඉඩම් අමාත්‍යාංශයේ ලේකම් එච්.කේ. කරුණාරත්න - ඉඩම් ප්‍රතිසංස්කරණ කොමිෂන්සභාවේ සභාපති සම්පත් සුභසිංහ ආරච්චි මහතා ඇතුළු නිලධාරින් සහභාගී වෙති.
