අප්‍රේල් 10 සිට 14 දා දක්වා පැවැත්වෙන මෙම සමුළුවට සහභාගිවීම සඳහා නාගරික සැලසුම් හා ජල සම්පාදන ඇමති රාවුෆ් හකීම් මහතාගේ ප්‍රධානත්වයෙන් යුතු ශ්‍රී ලංකා නියෝජිත පිරිස ඊයේ(09) දිවයිනෙන් පිටත්ව ගියහ.
දකුණු ආසියානු කලාපයේ සනීපාරක්ෂක කටයුතු විධිමත් කිරීම මෙම සමුළුවේ අරමුණයි.
මෙම සමුළුවේදී දකුණු ආසියානු කලාපයේ (සාර්ක්) ජනතාවගේ සෞඛ්‍ය කටයුතු ඉහළ නැංවීම හා සනීපාරක්ෂක කටයුතු ප්‍රවර්ධනය කිරීම පිළිබඳ ගනු ලබන තීරණ ඇතුළත් ඉස්ලාමාබාද් ප්‍රකාශය අත්සන් කිරීම සහ ප්‍රකාශයට පත් කිරීම අප්‍රේල් 14 දා සිදු කිරීමට නියමිතය.
