පළාත් පාලන ආයතනවල නියෝජිතයන් ජාතික තලයේ ප්‍රශ්නවලට වඩා තම ප්‍රදේශයේ ප්‍රශ්න කෙරෙහි අවධානය යොමු කිරීම වැදගත් බවත් ජාතික තලයට පැමිණි බොහෝ දේශපාලඥයන් ප්‍රාදේශීය දේශපාලනයෙන් දේශපාලන ගමන ඇරඹූ අය බව සභානායක, රාජ්‍ය ව්‍යවසාය හා මහනුවර සංවර්ධන අමාත්‍ය ලක්ෂ්මන් කිරිඇල්ල මහතා පවසයි.
මහනුවර දිස්ත්‍රිකයේ පළාත්පාලන ආයතන 22 ක එ.ජ.ප. නියෝජිතයන් 220ක් අද දිවුරුම් දීම සිදු කළ අතර එහිදී අඳහස් දක්වමින් අමාත්‍යවරයා මේ බව පවසා තිබේ. පළාත් පාලන ආයතනය දේශපාලනයේ තොටිල්ල බව ද අමාත්‍යවරයා සඳහන් කර තිබේ.
මේ අවස්ථාවට පාර්ලිමේන්තු මන්ත්‍රීවරුන් වන ලකී ජයවර්ධන,ආනන්ද අලුත්ගමගේ යන මහත්වරු ඇතුළු ප්‍රාදේශීය දේශපාලඥයින් රැසක් එක්ව සිටියහ.
දිස්ත්‍රික් මාධ්‍ය ඒකකය- මහනුවර
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
