හිටපු අමාත්‍යවරියක මෙන්ම විශ්ව රූ රැජිනක ලෙස අභිෂේකයට පත් රෝසි සේනානායක මහත්මිය කොළඹ මහනගර සභාවේ ප්‍රථම නගරාධිපතිනිය ලෙස පත් වූවාය.
නගරාධිපතිනියක ලෙස ඊයේ (19) අග්‍රාමාත්‍ය රනිල් වික්‍රමසිංහ මහතා ඉදිරියේ දිවුරුම් දුන්නාය. කොළඹ මහනගර සභාවට තේරී පත් වූ සෙසු මන්ත්‍රීවරුන් ද අග්‍රාමාත්‍යවරයා ඉදිරියේ දී අරලියගහ මන්දිරයේ දී දිවුරුම් දීම සිදු කළේ ය.
මෙවර පළාත් පාලන මැතිවරණයෙන් කොළඹ මහනගරසභාව ජයගැනීමට එක්සත් ජාතික පක්ෂය සමත් වූ අතර කොළඹ නගරාධිපති ධූරය රෝසි සේනානායක මහත්මිය වෙත ලබාදීමට තීරණය කර තිබුණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
