ශ‍්‍රි ලංකා නාවික හමුදාවේ විශ‍්‍රාමලත් නාවික හමුදා නිළධාරීන්ගේ සුභසාධන කටයුතු වෙනුවෙන් පිහිටුවා ඇති ”ශ‍්‍රි ලංකා නාවික හමුදා සංගමයේ ”සාමාජිකයන් සඳහා දියතලාව ප‍්‍රදේශයේ නිවාඩු නිකේතනයක් ඉදිකිරීමට ඉඩමක අයිතිය නාවික හමුදා සංගමය වෙත භාරදීම පාර්ලිමේන්තු සංකීර්ණයේ දී ඉඩම් හා පාර්ලිමේන්තු ප්රතිසංස්කරණ අමාත්‍ය ගයන්ත කරුණාතිලක මහතාගේ ප්‍රධානත්වයෙන් සිදු කෙරුණි.
දියතලාව ප‍්‍රදේශයේ නිවාඩු නිකේතනයක් ඉදිකිරීමට එම සංගමය මගින් ඉඩම් ඇමති ගයන්ත කරුණාතිලක මහතාගෙන් කළ ඉල්ලීම අනුව,මෙම ප්රදානය සිදු කෙරිණි.
ඉඩම් හා පාර්ලිමේන්තු ඇමති ගයන්ත කරුණාතිලක මහතා විසින් හිටපු නාවික හමුදාපති, ශ‍්‍රි ලංකා නාවික හමුදා සංගමයේ වත්මන් සභාපති අද්මිරාල් දයා සඳගිරි මහතා වෙත ඉඩමෙහි අයිතිය ප්රදානය කළ එම අවස්ථාවට ඉඩම් ප්රතිසංස්කරණ කොමිෂන් සභාවේ සභාපති සම්පත් සුභසිංහආරච්චි මහතා සහ ශ‍්‍රි ලංකා නාවික හමුදා සංගමයේ ලේකම් රිය අද්මිරාල් ශ‍්‍රිමාල් ප‍්‍රනාන්දු යන මහත්වරුන් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
