මාතර දිස්ත්‍රික්කයේ මහා නගර සභා 01 ක්, නගර සභා 01 ක් හා ප්‍රාදේශිය සභා 15 ක් සඳහා වෙනුවෙන් සභිකයින් පත්කර ගැනීම සඳහා මෙවර පළාත් පාලන ආයතන ඡන්ද විමසීම පැවැත් වේ. ඒ සඳහා අපේක්ෂකයින් 1854 දෙනෙකු ඉදිරිපත් වී සිටිති. ඒ අතරින් සභිකයින් 365 දෙනෙකු තෝරාපත්කර ගන්නා අතර සභිකයින් 224 දෙනෙකු ඡන්දයෙන් ද, සභිකයින් 141 දෙනෙකු ලැයිස්තුවෙන් ද තෝරාපත් කර ගැනීමට නියමිත ය. මාතර දිස්ත්‍රික්කයේ ඡන්ද කොට්ඨාස 222 පවතින අතර එයින් මී ඇල්ල හා තැනිපිට බහු මන්ත්‍රී කොට්ඨාස වේ.
එම කොට්ඨාසවල මන්ත්‍රීවරුන් දෙදෙනා බැගින් තෝරා පත්කර ගැනේ. මාතර දිස්ත්‍රික්කයේ මැතිවරණ රාජකාරි සඳහා රජයේ නිලධාරීන් 7000 ට අධික පිරිසක් යොදා ගැනේ. මාතර දිස්ත්‍රික්කයේ පොලිස් ස්ථානවල පොලිස් නිලධාරීන් 1800 ක් සහ වෙනත් ප්‍රදේශ වලින් කැඳවන ලද පොලිස් නිලධාරීන් 800 ක් වශයෙන් පොලිස් නිලධාරීන් 1600 ක් ද විශේෂ කාර්ය බලකායේ නිලධාරීන් 80 ක් හා අනුකණ්ඩ පහක් රාජකාරි සඳහා යොදවා තිබේ.
මාතර දිස්ත්‍රික්කයේ ඡන්ද දායකයින් 644800 දෙනෙක් සිටිති. හෙට (10) දින මාතර දිස්ත්‍රික්කයේ ඡන්ද මධ්‍යස්ථාන 524 ක දී ඡන්ද විමසීම පැවැත්වීමට නියමිත ය.
DMU/Matara
